Reise dit

Tog.

Det går tog heilt fram til sentrum av Ruhpolding. Det er ein sidebane, frå hovudbanen mellom München og Salzburg. Skal ein til München eller Salzburg, må ein alltid skifta tog i Traunstein. Det er 20 min. mellom Traunstein og Ruhpolding, ca. 25 min. til Salzburg frå Traunstein, og ca. 1t 30 min frå München til Traunstein.

Ein kan ta toget heilt fram til flyplassen i München (og Salzburg). Må då også bytta tog i München Ost.

Spesielt viss ein er fleire i lag, lønnar det seg å kjøpa ”Bayernticket”. Denne kostar ca. 28 Euro (250 kr.); opp til 5 personar kan reise heile dagen frå 09 om morgonen til 03 om natta, så langt ein vil innan Bayern og til Salzburg og Kufstein i Østerrike.